بسم الله الرحمن الرحيم
السلام عليكم ورحمة الله وبركاته
§§ حروف ترفع ضغط البنات §§
************** لكل الشبااب
أ / انتي ياهيش .. وين شماغي ... ( والمشكلة الشماغ جنبه الله لا يعمينا)
ب / بروح اكشت مع اخوياي ..... ( روحت جدي ان شالله)
ت / تراني بصيف اليوم ..... ( ماجبت جديد متعودة الحرمة)
ث / ثواني وانا عند الباب ..اجهزي ( ولا يجي الا بعد ساعة وهي ملطوعة عند الباب)
ج / جاي تعبان من العمل منيب فاضي لك .. ( كن مايشتغل الا هو )
ح / حريم مايجون الا بالعين الحمراء ... ( جملتهم المفضلة)
خ / خذي عيالك وفارقوا عني .. صجيتوني ( كنهم عيالها لحالها)
د / دوري احد يوديك ويجيبك .. ( وانت وش شغلك)
ذ / ذاك الصيف مسافرين هالسنة محنا سفر
ر / راتبك ماطلع يابعدي .. ( توه يجي الكلام السنع يوم جت الدراهم)
ز / زيدي العشاء ترى الرجاجيل كثروا .. ( والعشاء استوى وخلص وشلون تزيده)
س / سيارتي قاضي بنزينها ومامعي صرف .. معك سلف ( رددي ياليل مطولك مهيب راجعتن لك)
ش / شيلي المقاضي شوفيها عند الباب ( ورى ماتشيلها انت يامال الحروال )
ص / صديقي بيسافر برى تراني بخاويه ( خايف عليه يضيع والا وشلون)
ض / ضايق صدري .. ضايق صدري .. كل مادخل للبيت ( وهو عند ربعه فاقن خشته)
ط / طالق ... طالق ... طالق >>>>>> هذي ان خربت الاخلاق عاد
ظ / ظـفي عفــشك وروحي بيت اهلـــــكـ <<<تمن عليها في بيتك خخخخخ
ع / عصاقيل تصافق واشهب الهب ويبي وحدة حلوة ( اقووول اها بس)
غ / غالي هذا .. دوري غيره .. ( متحس انه فن عليها الغالي يامال الفقر)
ف / فلااااااااان تزوج على حرمتن ثانية .. ( يلمح الرجال)
ق / قومي بلا دلع .. مافيك الا العافية ( وهي مصيخينه خذت حيلي)
ك / كل كلامه هواش ماااااااااعنده تفاهم
ل / لا تروحوون بعيد .. وماغير داااااقن اللطمه اذا طلع مع اهله
م / معزوم في الاستراحة >>>> امحق عزومه اللي كلها لعب بلوت
ن / ناااااااااااااادرا ماايشكرها على شي سوته
هـ / هيه .. انتي >>>>> طبعا هذا اسمها في الاماكن العامة
و / ورى ماتسمنين .. وان سمنت قال .. ورى ماتنحفين ( خير هي لعبة ان تضغط زرار سمنت والا نحفت)
ي / ياااااااااازين هالمذيعة >يقصد حليمـه بولند< ( ياخي استح على وجهك ,, اللي جنبك قوطي ماتعبرها)
هااااااااااااااااااااه شلووني معكم
ياريت تعجبكم :bounce: :bounce: واشووووف ردودكم................
موضوع: كيف ترفع ظغط بنت !!! 
الخميس فبراير 04, 2010 3:18 pm
